நட்புடன் சௌம்யா.....

நிதமும் செய்யும் 

ஒவ்வொரு செயலும்

உன்னையே நினைவு படுத்தி

முட்டி மோதி

சண்டையிட்டு

அழுது புலம்பி...

விழுந்து விட்ட முடிச்சுகளை

அவிழ்க்க முடியாது 

அமைதியாகும் மனம்..

மீண்டும் ஒரு வரம்

உன் சந்திப்பு..

நலம் விசாரிக்கிறாய்

அக்கறையோடு

சிறு மாற்றம் தான்..

முன்பெல்லாம்

அதிகாரம், கோபம், கண்டிப்பு,

அரவணைப்பு, காதல், குறை ஏக்கம்

எல்லாம் இருக்கும்.
.
இன்று கண்ணீர் தவிர

ஏதுமின்றி நட்பின் போர்வையில்

நினைவு மரத்து தொடர்கிறாய்

உன் விசாரிப்புகளை..!!